ខ្លាំងបាត់! ក្មេងស្រី​ៗទំនើង​២ក្រុម ឆាត​​ណាត់​វៃ​គ្នាទាំង​កណ្តាល​អធ្រាត្រ​ ២យប់​ផ្ទួន​ៗ​ ត្រូវ​នគរបាល​ក្រុង​ព្រះសីហនុ​ ចាប់​យក​មក ...

CHEN.FONG

មានស្រី​ទំនើង​២ក្រុម​ មាន​គ្នា​៩​នាក់​ ឆាត​តាម​ហ្វេ​សបុក​ណាត់​វាយ​គ្នា​កណ្តាល​អធ្រាត្រ​ ២យប់​ផ្ទួន​ៗ​ ត្រូវ​នគរបាល​ក្រុង​ព្រះសីហនុ​ ចាប់​យក​មក​អប់រំ​ ខេត្ត​ព្រះសីហនុ៖ លោក​វរសេនីយ៍ទោ​ភុល​ ភស្តា​អធិការ នគរបាល​ក្រុង​ព្រះសីហនុ​បាន​ឲ្យ​ដឹង​ថា៖ នៅ​វេលា​ម៉ោង​០:៣០​នាទី​ ឈាន​ចូល​ថ្ងៃទី​២៥​ខែ​ ឧសភា​ ឆ្នាំ​២០១៨​ កម្លាំង​ល្បាត​យប់​ របស់​អធិការ​ដ្ឋាន​នគរបាល​ក្រុង​ព្រះសីហនុ​ បាន​បង្រ្កាប​ស្រី​ទំនើង​២ក្រុម​ ដែល​មាន​គ្នា​ចំនួន​៩​នាក់​ បាន​បង្ក​ហិង្សា​វាយ​តប់​គ្នា​ តាម​ទី​សាធារណៈ​ ដេីម្បី​យក​មក​អប់រំ​ធ្វេី​កិច្ចសន្យា​ ឲ្យ​អ្នក​អាណា​ព្យាបាល​ មក​ធានា​យក​ទៅ​ អប់រំ​បន្ត​។

លោក​អធិការ​នគរបាល​ក្រុង​បាន​បញ្ជាក់​ថា៖ ស្រីទំ​នេីង​ទាំង​ពីរ​ក្រុម​នេះ​ មួយ​ក្រុម​មាន​គ្នា​៣នាក់ និង​មួយ​ក្រុម​ទៀត​មាន​គ្នា​៦​នាក់​ បាន​ប្រេី​ប្រាស់​ហ្វេសប៊ុក​ឆាត​ ណាត់​ជួប​ បេីក​ឆាក​ប្រយុទ្ធ​គ្នា​ ដោយ​មូលហេតុ​ ដណ្ដើម​ប្រុស​គ្នា​។ ពួក​គេ​បាន​ណាត់​ជួប​វាយ​តប់​គ្នា​ពី​រ​លេី​ក​ នៅ​យប់​ថ្ងៃទី​២​៣​ ជួប​វាយ​គ្នា​មួយ​លេីក​នៅ​ឆ្នេរ​អូរ​ឈើទាល​ លុះដល់​យប់មិញ​នេះ​ បាន​ណាត់​វាយ​គ្នា​មួយ​លេីក​ទៀត​ នៅ​រង្វង់​មូល​ត្រី​ផ្ទោង​ មុខ​សាលា​អនុ​វិទ្យាល័យ​សម្តេច​ឪ​ ហើយ​ត្រូវ​កម្លាំង​ល្បាត​ស្ទាក់​ចាប់បាន​តែ​ម្តង​។ លោក​ភុល​ ភស្តា​អធិការ​ក្រុង​ បាន​បញ្ជាក់​បន្ថែម​ថា៖ ស្រី​ទាំង​២​ក្រុម​ នេះ​ សមត្ថកិច្ច​បាន​ឃាត់ខ្លួន​យក​មក​ណែនាំ​ នៅ​អធិការ​ដ្ឋាន​នគរ​បាល​ក្រុង​​ ឲ្យ​ធ្វេី​ពលកម្ម​ ព្រម​ទាំង​ឲ្យ​អ្នក​អាណា​ព្យាបាល​មក​ធានា​ យក​ទៅ​អប់រំ​បន្ត​។

ក្នុង​ឱកាស​នេះ​ផង​ដែរ​ លោក​អធិការ​ បាន​សំ​នូម​ពរ​សូម​អាណា​ព្យាបាល​ទាំង​ឡាយ​ចូល​រួម​ជាមួយ​សមត្ថកិច្ច​ អប់រំ​កូន​ចៅ​ឲ្យ​ចៀស​វាង អំពី​បញ្ហា​គ្រឿង​ញៀន​ និង​គ្រឿង​អបាយមុខ​ផ្សេង​ៗ​ទាំងឡាយ ដេីម្បី រួមចំណែក អភិវឌ្ឍ សេដ្ឋកិច្ច គ្រួសារឲ្យ មានការរីកចម្រើន​។

No comments

Powered by Blogger.