នារីជានិស្សិតម្នាក់ពាក់អាវទទួលសញ្ញាប័ត្រមុខផ្នូលម្តាយ ឃើញហើយស្ទើរទប់ទឹកភ្នែកមិនជាប់ ដោយសារពាក្យមួយមាត់នេះ!

ចិន.ហ្វុង

មានពត៌មានមួយដែលដកស្រង់ តាមរយះគណនីហ្វេសប៉ុកមួយដែលមានឈ្មោះថា “Mirror Mei” នាងបាផុសរូបថតចំនួន ២សន្លឹក ជាមួយនិងសារដ៏ក្រៀមក្រំមួយ ក្នុងថ្ងៃទទួលសញ្ញាប័ត្ររបស់នាង ជាមួយឪពុកជាទីស្រលាញ់ កាលពីថ្ងៃទី ០៣ ខែ មេសា ឆ្នាំ ២០១៨ កន្លងផុតទៅថ្មីៗនេះ។

សារមួយនោះបានធ្វើឲ្យអ្នកលេងបណ្តាញសង្គម ហ្វេសប៉ុកស្ទើស្រក់ទឹកភ្នែកគ្រប់ៗគ្នា ដោយក្នុងសានោះនាងបានរៀបរាប់ថា «ម៉ាក់​ហា​ម៉ាក់​ថ្ងៃ​នេះ​កូន​ស្រី​ពៅ​ដ៏​ក្បាល​ខូច​របស់​ម៉ាក់​បានទទួល​សញ្ញាប័ត្រ​ហើយ…​​ ម៉ាក់​ធ្លាប់​ប្រាប់​​កូនថាម៉ាក់​ចង់​ឃើញ​ស្លៀក​សំលៀកបំពាក់​មួយ​ហ្នឹង​ ហើយ​ប្រាប់​ទៀត​ថាកូន​ជា​ស្រី​ត្រូវ​ខំ​ប្រឹង​រៀន​អោយ​បាន​ខ្ពស់​ ត្រូវ​រក​អនាគត​ល្អ​។​ ​

ទោះបីពេល​ម៉ាក់​ធ្លាក់​ខ្លួន​ឈឺខ្លាំង​ទោះ​ម៉ាក់​ស្ថិត​នៅ​ចំនុច​គ្រោះថ្នាក់​​ក៏​ម៉ាក់​សុខចិត្ត​លះបង់​ជីវិត​ក៏​នៅ​តែ​មិន​អោយ​កូន​ឈប់​រៀន​ដែរ(ថ្នាក់​ទី១២)​​។​ហើយ​ពេលនេះ​ កូនធ្វើ​បាន​ជោគជ័យ​ហើយ​មិច​អត់​ឃើញ​ម៉ាក់​មក​ឃើញ​តែ​ប៉ា​មក​។ ហើយពេល​កូន​ឃើញ​ម៉ាក់ប៉ា​​របស់​គេ​មក​ អបអរ​សាទរ​​កូនគេ​ កូន​​នឹក​ម៉ាក់​ណាស់​ ចង់​អោប​ម៉ាក់​ណាស់​ ចង់​លុត​ជង្គង់​អរគុណ​ម៉ាក់​ណាស់​ ចង់​អោយ​ម៉ាក់​ឃើញ​ថ្ងៃ​នេះ​របស់​កូន​ណាស់​ តែ​ម៉ាក់​មក​មិន​បាន​ តែ​ទោះជា​ម៉ាក់​មិន​បាន​មក​ ក៏​កូន​ទៅ​រក​ម៉ាក់​ដែរ​ ព្រោះ​កូន​គិត​ថា​ម៉ាក់​មិន​ទាន់​ទៅ​ណា​ឆ្ងាយ​ពី​កូន​ទេ​ ម៉ាក់​តែង​តែ​នៅ​ក្នុង​ចិត្ត​កូន​ កូន​សុំទោស​ណា​ម៉ាក់​ដែលវា​យូរ​យ៉ាង​នេះ​ សុំទោស​ដែល​តែង​តែ​ទាស់​ពាក្យ​សម្ដី​ជាមួយ​ម៉ាក់​ ​តែ​ថ្ងៃ​នេះ​កូន​ធំ​ហើយ​ ទើប​កូន​យល់​ពី​ទឹកចិត្ត​ជា​ម្តាយ​ហើយ…​​ តែ​ទទ្រាំកូន​យល់​ហួស​ពេល​ទៅ​ហើយ​។

អរគុណ…​ណាស់​ដែល​លះបង់​ដល់​ថ្នាក់​នេះ​បើ​អ្នក​នៅ​មាន​ឱកាស​ សូម​ធ្វើ​វា​អោយ​អស់​ពី​សមត្ថភាព​ ព្រោះ​ឱកាស​អត់​មាន​ច្រើន​ដង​ទេ។»

សូមជួយស៊ែរបន្តផង! សូមអរគុណ!

No comments

Powered by Blogger.